မန်ရွှေစက်တော် ဘုရားပွဲတော် ကုန်းတွင်းတည်းခိုခန်းခနှုန်းထားမှာ တစ်ခန်းလျှင် ကျပ်တစ်သောင်း၊ မန်းချောင်းရေစပ်ရှိ တည်းခိုခန်းတစ်ခန်းလျှင် ကျပ်နှစ်သောင်းနှင့် ရေချိုးခန်း၊ ဗိုလ်ထိုင်အိမ်သာပူးတွဲရှိပါသည့် အဆင့်မြင့် တည်းခိုဆောင်ဖြစ်သည့် နမ္မဒါ ၁ နှင့် ၂ တည်းခိုဆောင်၊ ငွေသောင်ယံ တည်ခိုးဆောင်များတွင် အမြင့်ဆုံး အခန်းခနှုန်းထားအဖြစ် ကျပ်တစ်သိန်းအထိ သတ်မှတ်ထားကြောင်း ရွှေစက်တော်ဂေါပကအဖွဲ့က ထုတ်ပြန်သည်။
~~~~~~~~~~~~
ချောက်၊ ဇန်နဝါရီ ၁၄
ယခုနှစ် မန်းရွှေစက်တော်ဘုရားပွဲတော်ကာလအတွင်း ကောက်ခံမည့်တည်းခိုဆောင်များ၏ နှုန်းထားများကို ယင်းဘုရားဂေါပကအဖွဲ့က တရားဝင် ထုတ်ပြန်လိုက်သည်။
မကွေးတိုင်း မင်းဘူး-စကုမြို့နယ်အတွင်းရှိ ယခုနှစ် ဖေဖော်ဝါရီလ ၉ ရက်နေ့မှ စတင်ကျင်းပပြုလုပ်မည့် မန်းရွှေစက်တော်ဘုရား ပွဲတော်ကာလအတွင်း တည်းခိုဆောင် အခန်းခနှုန်းထားများ ဈေးနှုန်းမြင့်မားမှု မရှိစေရန် အခန်းခနှုန်းထားများကို တရားဝင် ထုတ်ပြန်ခြင်းဖြစ်ကြောင်း ယင်းဂေါပကအဖွဲ့ထံမှ သိရသည်။
ယခုသတ်မှတ်သည့် ဈေးနှုန်းများထက် ပိုမိုတောင်းခံပါက ကနဦး ဒဏ်ကြေးပေးဆောင်စေမည်ဖြစ်ပြီး လုပ်ငန်းပိတ်သိမ်းသည်အထိ အရေးယူမည်ဖြစ်ကြောင်း ရွှေစက်တော်ဂေါပကအဖွဲ့က ဆိုသည်။
တည်ခိုးဆောင် အခန်းခနှုန်းထားများ သတ်မှတ်ထားသည့်အတွက် ဘုရားဖူးဧည့်သည်များအနေဖြင့် ဧည့်သည်ဝင်ရောက်မှုများသောရက်များတွင် အခန်းမရမည်ကိုစိုးရိမ်၍ ဘုရားဖူးဧည့်သည်များက အခန်းခဈေးနှုန်းများ ပိုပေးခြင်းမခြင်းများ မပြုလုပ်ရန်လိုအပ်ကြောင်း မန်ရွှေစက်တော်ဂေါပကအဖွဲ့ဥက္ကဋ္ဌ ဦးအောင်သိန်းက မေတ္တာရပ်ခံသည်။
“တစ်ခါတလေကျတော့လည်း ဘုရားဖူးတွေက လူကျတဲ့ရက်တွေမှာ ကိုယ်အခန်းမရမှာစိုးရိမ်ပြီး အခန်းရပြီးရော အလုအယက်ဈေးတွေ ပိုပေးသွားတယ်။ တကယ်ပိုလာတဲ့အခါကျ Social Network (လူမှုကွန်ရက်)တွေကနေ တက်ရေးကျတဲ့အခါကျတော့ စည်းကမ်းထိမ်းသိမ်းမှုမှာ လျော့နည်းတယ်ဆိုတာမျိုးဖြစ်တတ်တယ်”ဟု ၎င်းက ပြောဆိုသည်။
မန်းရွှေစက်တော် ဘုရားပွဲတော်ကာလအတွင်း ဘုရားဖူးဧည့်သည်များ စိတ်အေးချမ်းစွာ ဘုရားဖူးအပန်းဖြေနိုင်ရန်အတွက် လုပ်ငန်းရှင်များနှင့် စာချုပ်ချုပ်ဆိုထားပြီး စည်းကမ်းချက်များ ထုတ်ထားကြောင်း တည်းခိုဆောင်များကို ကြီးကြပ်စစ်ဆေးမှုများ လုပ်ဆောင်သွားမည်ဖြစ်ကြောင်း ၎င်းက ပြောဆိုသည်။
ယင်းဘုရားပွဲတော်ကာလအတွင်း ရိုးရိုးတည်းခိုဆောင်များဖြစ်သည့် ကုန်းတွင်းတည်းခိုခန်းခနှုန်းထားမှာ တစ်ခန်းလျှင် ကျပ်တစ်သောင်း၊ မန်းချောင်းရေစပ်ရှိ တည်းခိုခန်းတစ်ခန်းလျှင် ကျပ်နှစ်သောင်းနှင့် ရေချိုးခန်း၊ ဗိုလ်ထိုင်အိမ်သာပူးတွဲရှိပါသည့် အဆင့်မြင့် တည်းခိုဆောင်ဖြစ်သည့် နမ္မဒါ ၁ နှင့် ၂ တည်းခိုဆောင်၊ ငွေသောင်ယံ တည်ခိုးဆောင်များတွင် အမြင့်ဆုံး အခန်းခနှုန်းထားအဖြစ် ကျပ်တစ်သိန်းအထိ သတ်မှတ်ထားကြောင်း ရွှေစက်တော်ဂေါပကအဖွဲ့က ထုတ်ပြန်သည်။
----TheVoice----
http://thevoicemyanmar.com/news/30586-msz
ကိုသိန်းထွေး
ရွှေစက်တော်
Comments
Post a Comment